Variationa der Ehe

Frisch verheiratet:

Sie: Du Schätzle, Mausebärle, was dädsch'n drvo halta, wenn mir zwei mitnonder am Wochaend gschwind nach London fliaga dädat? No könnta mr a bissle schoppa! Was moinsch? Des däd dr doch beschtimmt au gfalla?

Er: Ha Schpätzle, Schnuffele, des isch aber liab von dir. I frei mi jetz scho drauf. Du bisch an Goldschatz!


Ca. 10 Jahre später:

Sie: Du Liebling, i däd gern nach Tübinga auf dr Weihnachtsmarkt geha. Was hältsch drvo? Do hent mr doch unsre schöne Glaskugla her!

Er:J a guat, wega mir. Vielleicht gibt's au den guata Schwenkbrota wie vorichs Johr.


Nochmals 10 Jahre später:

Sie: Du Mo, solla mr ins Breuningerland?

Er:Wenn'd ubedingt willsch, aber am viere schpielt dr VfB.


Weitere 10 Jahre später:

Sie:Du, i däd nach Schtuagert zum Eikaufa geha! Willsch mit?

Er: Kriagsch dei Sach net au bei uns?


Nochmal 10 Jahre später:

Sie:I geh ins Eikaufa! Brauchsch ebbes?

Er:Geb net so viel Geld aus!


Endlich, nach einem weiteren Jahrzehnt:

Sie: I geh in'd Schtadt!

Er: Mir braucha nix! Des, was mir hent, hebt uns voll naus!